26.-30. júlí 2010

Glætan: 9. tbl. - Nýtt tímarit fyrir alla fjölskylduna uppfullt af þrautum, fróðleik og skemmtiefni - Bæði hægt að skoða rafrænt og prenta það út

Glætan er nýtt fjölskyldutímarit sem hugsað er fyrir börn á öllum aldri og er öðruvísi en önnur tímarit.  Og þá meinum við öðruvísi!  Hér er nefnilega boðið upp á skemmtiefni, fróðleik, föndur og margvíslegt þjálfunarefni í bland og allt þar á milli og það sem meira er þá er hægt að njóta ritsins bæði rafrænt og/eða prenta það út eins og hefðbundið tímarit.  Þó er þægilegra að prenta það út ef ætlunin er að vinna verkefnin. Meginmarkmið okkar með þessu tímariti er einfalt.  Það er að gera fróðleiksöflun markvissa, skemmtilega og áhugaverða, því þannig á það að vera.  Fátt þykir börnum skemmtilegra en að taka þátt í einhverjum leik eða keppni sem byggir á einhverri ákveðinni færni.  Þannig ætti það einnig að vera með þekkinguna, þ.e. að hún sé eftirsóknarverð vegna þess að það er gaman að vinna með hana. Ritið er líka hugsað sem nokkurs konar fjölskyldusamvera, og því má segja að stundum sé hlaupið á milli þroskastiga í verkefnunum.  Þá er hugmyndin að fjölskyldan vinni saman að lausnum. Við munum bjóða upp á nýtt tölublað í hverri viku í sumar og í dag er það níunda tölublaðið.

26.-30. júlí 2010

Ný framhaldssaga í ensku - Bætið lesskilninginn í ensku með sögunni The Canterville Ghost eftir Oscar Wilde - 1. kafli

Það er alltaf gott að þjálfa sig betur í enskunni og ekki er það verra ef hægt er að gera það með því að fylgja eftir skemmtilegri og vel skrifaðri sögu eins og þessari, The Canterville Ghost eftir snillinginn Oscar Wilde. Sagan er í sjö köflum og er bæði hægt að nálgast efnið í sérútbúinni prentútgáfu og í aðgengilegri vefútgáu þar sem þið getið hlustað á hana upplesna. Hverjum kafla fylgja ágæt verkefni.

26.-30. júlí 2010

Krossgáta vikunnar

Sumarið er tíminn fyrir krossgátur og þess háttar og í sumar ætlum við að bjóða upp á eina skemmtilega krossgátu í viku sem bæði er hægt að leysa gagnvirkt á vefnum eða prenta út og leysa hana þannig. Eru krossgáturnar byggðar upp á almennum fróðleik og samheitum í bland, og geta menn því lært mikið af þeim. Á gagnvirku útgáfunum er líka hægt að sækja hjálp og lausnir.

26.-30. júlí 2010

Kúlusukk - Gagnvirkt kúluspil

Þessa vikuna vekjum við athygli ykkar á léttu og skemmtilegu kúluspili. Nefnist leikurinn Kúlusukk og þjálfar snerpu og fínhreyfingar.

Tilkynning frá Skólavefnum um Vanda málið - Verðið lækkar um þriðjung!

Við höfum nú kynnt Vanda málið vel og fengið ótrúlega jákvæð viðbrögð við þessu nýja námsefni. Í raun eru mun fleiri skólar en við bjuggumst við tilbúnir að taka í kennslu þetta nýja íslenskuefni á miðstiginu. Þar sem skólar hafa mjög takmarkað fjármagn til þess að kaupa efni sem þetta fyrir höfum við lagt í mikla vinnu við að reyna að lækka verðið enn frekar frá því lága verði sem við lögðum upp með. Höfundar efnisins hafa breytt skipulagi bókanna þannig að í stað þriggja lesbóka og þriggja vinnubóka fyrir hvern árgang eru nú aðeins tvær af hvoru í hverjum árgangi. Verðið á lesbók og vinnubók saman verður áfram hið sama, eða 1490.-

Af því leiðir að nú kostar efnið sem dugar nemanda til alls íslenskunáms samkvæmt markmiðum aðalnámsskrár skólaárið á enda (2 lesbækur og 2 vinnubækur) aðeins: 2980.- kr.

Stuðningur við lesblinda nemendur

Við hjá Skólavefnum höfum lengi vitað að Skólavefurinn nýtist nemendum með lesraskanir vel og hafa skólar og fyrirtæki sem vinna með lesblindum bent á Skólavefinn sem hjálpartæki fyrir þessa nemendur. Nú höfum við á Skólavefnum útbúið sérstaka stuðningssíðu fyrir nemendur með lesraskanir. 

Við tökum þar saman tengla á efni sem er vel til þess fallið að hjálpa þessum hópi. Þessi síða er þá einskonar gátt fyrir nemendur með lesraskanir að efni sem hentar þessum hópi vel. Lögð er áhersla á að finna efni sem er upplesið, myndrænt, með gagnvirkum æfingum, myndbandsskýringum og stækkanlegu letri.