Nú er komið að þriðju bókinni í ritröðinni Lesum söguna. Enn erum við stödd fyrir fæðingu Krists. Efnið er framsett í stuttum en hnitmiðuðum og aðgengilegum einingum. Má segja að um sé að ræða nokkurs konar samantekt til að gefa nemendum yfirlit yfir farinn veg. Út frá þessu efni geta nemendur svo kynnt sér betur þau atriði sem vekja sérstakan áhuga þeirra. Tilgangur okkar með þessu efni er að nemendur fái betri innsýn inn í tímaröð atburða í heimssögunni sem og að landafræði sögunnar verði þeim ljósari. Í því sambandi bjóðum við upp á valin kort á vefsíðunni sem fylgir bókunum. - Áhugavert efni - Í þessari þriðju bók af þremur sem taka fyrir atburði sem eiga sér stað fyrir Krists burð hefjum við söguna á Kýrosi og Persum og höldum svo áfram að árinu 1. Við komum við í Grikklandi, Egyptalandi og víðar, auk þess sem við kynnumst Rósettusteininum og einstaklingum eins og Kleópötru, Qin Shi Huang, Arkímedesi og fleirum.