Nýtt - Lestur og skilningur:
Gráðuga kisan (5. stig)

Við höldum áfram að bjóða upp á sögur í nýjum flokki sem við nefnum Lestur og skilningur. Hér er boðið upp á valdar sögur til lestrar með góðum en jafnframt einföldum verkefnum. Eru verkefnin sem fylgja fjölbreytt og taka á ýmsum þáttum íslenskunnar. Efnið er flokkað í sex stig og verður hver og einn að finna það stig sem hentar best. Sagan sem við bjóðum upp á í dag er á 5. stigi og nefnist Gráðuga kisan.

Aðgangur skóla að Hlusta.is og Lestu.is

Við minnum á að skólar í áskrift að Skólavefnum hafa einnig aðgang að rafbókasíðunni Lestu.is og hljóðbókasíðunni Hlusta.is og hvetjum alla til að nýta sér það.

Hér er um að ræða fjölbreytt efni sem nýtist vel til þjálfunar á les- og hlustunarskilningi, svo ekki sé minnst á ánægjuna af því að lesa eða hlusta á góðar sögur.

Sem dæmi um efni sem getur nýst nemendum og kennurum má nefna Íslendingasögur, sígildar íslenskar bókmenntir og ljóð, sögur og ævintýri erlendra höfunda í íslenskri þýðingu, æviágrip sögufrægra manna og kvenna, valdar bókmenntir á ensku o.fl.

Ef þið eruð í einhverjum vafa um hvernig þið getið nýtt ykkur efnið á Hlusta.is og Lestu.is skuluð þið ekki hika við að hafa samband við okkur og við munum leiðbeina eftir bestu getu.