Hraðlestur fyrir krakka

Gríðarlegur tími fer í lestur
“Frábært í alla staði” – Foreldri

Flestir foreldrar vita hve mikill tími getur farið í lestur hjá börnum þeirra.
Hægur lestur hefur sínar slæmu hliðar s.s. erfiðleikar við að “muna” og almennt áhugaleysi á lesefni.  Með því að auka lestrarhraðann snemma má skapa námsaðstæður sem nýtast nemandanum ævilangt.

Kolbeinn Sigurjónsson, Davis ráðgjafi hjá Lesblindusetrinu í Mosfellsbæ, er leiðbeinandi á námskeiðinu “Hraðlestur fyrir krakka”.

Fyrir hverja?

Hraðlestrarnámskeiðið er sérsniðið fyrir krakka á aldrinum 10-18 ára. Reiknað er með að þátttakendur hafi ágætt vald á lestri (þ.e. glími ekki við lestrarörðugleika), eða þá að viðkomandi hafi lokið Davis-leiðréttingu (einstaklingsúrræði við lesblindu), sé um lestrarörðugleika að ræða.

Hvers vegna hraðlestur?

Formleg lestrarkennsla hefst jafnan í fyrsta bekk.  Mörg börn eyða næstu árum við að ná tökum á lestrartækninni.  Erfiðleikar í lestri eru því miður nánast ávísun á námsörðugleika.  Fullyrða má að enginn einstakur þáttur er jafn mikilvægur í námi og lestur.

Algengur lestrarhraði er 100-250 orð á mínútu, margir lesa mun hægar.  Þetta þýðir að 20 blaðsíðna kafli verður kvöl ein fyrir venjulegan nemanda.
Er einhvers virði að tvöfalda – jafnvel margfalda lestrarhraðann?
Hraðari lestur skilar sér oft í því að mótþrói við lestur minnkar þar sem nemandinn sér fram á að geta klárað lesefni á mun skemmri tíma.  Auk þess oft auðveldara að muna efnið þar sem hugurinn fer síður á flakk.

Um námskeiðið

Ummæli foreldra: “Leiðbeinanda tekst að vekja áhuga barnanna frá byrjun”

Námskeiðið stendur í 4 vikur. Fyrstu vikuna mæta nemendur daglega í lestrartíma, en eftir það æfa þau sig heima en mæta einungis vikulega í lestrartíma.
Heimaæfingum er stillt í hóf og ekki ert gert ráð fyrir flóknum tíma- og orðamælingum.
Námskeiðið er því sérsniðið fyrir unga nemendur og er mikið lagt upp úr persónulegri ráðgjöf til þeirra.
 
Sem fyrr segir eru námskeiðin leidd af Kolbeini Sigurjónssyni, Davis ráðgjafa hjá Lesblindusetrinu í Mosfellsbæ.

Bæklingur til útprentunnar (smellið hér)

Ummæli foreldra og nemenda:
-“Þetta er bara frábært námskeið!”
-“Það sem skólanum tókst ekki að gera á 4 árum hefur farið vel af stað hjá ykkur á 4 vikum og við erum mjög ánægð”
-“Engir gallar á þessu frábæra námskeiði”
-“Við hjónin erum sannfærð um að þetta námskeið sé að skila sér hratt og vel inn í líf sonar okkar”
-“Frábært að geta tekið þátt í þessu”
-“Gaman að taka þátt í fleiri námskeiðum seinna meir”
-“Dóttir okkar öfundar bróður sinn af námskeiðinu og hlakkar til að fara sjálf”
-“Miklar ekki lengur fyrir sér að lesa”

Minnistækni (námskeið)

Svíkur minnið þig?

Gerðu námið að leik!

/Hvaða sýslu tilheyrir Blönduós? Hvaða ár fæddist Jón Sigurðsson?
Hverjar eru 10 stærstu ár í Evrópu?/

/Hvað heita pláneturnar? Í hvaða röð eru þær?/

/Hve langt er Júpíter frá Sólu?/

Notaðu minnið rétt og þetta verður leikur einn!

Einföld en ótrúlega öflug minnistækni gerir þér kleift að muna dagsetningar, ártöl og nöfn með lítilli fyrirhöfn. “Páfagaukslærdómur”
og endurtekningar heyra sögunni til.

Minnistækni (Mnemonics) byggir á rúmlega 2.500 ára gömlum grunni sem lagður var af forn-Grikkjum.
Einfaldar en öflugar aðferðir gera þér kleift að muna dagsetningar, ártöl og nöfn með lítilli fyrirhöfn. Með markvissum aðferðum getur því “Páfagaukslærdómur” og endurtekningar heyrt sögunni til. Þetta getur minnkað lestrartíma þar sem ekki þarf að marglesa efnið til að leggja það á minnið.
Þetta eru þaulreyndar aðferðir sem hafa staðist tímans tönn og nýtast til bæta námstækni nemandans.

Hefðbundin "vandamál" varðandi undirbúning prófa snúast um að MUNA tilteknar upplýsingar. Árangur á prófum ræðst því oft af því hve mikið nemandinn MAN fremur en hve mikið hann skilur. Þetta er (því miður
kannski) staðreynd í fjölmörgum fögum s.s. landafræði, sagnfræði, líffræði, trúabragðafræði, íslensku....

Miðað er við að þátttakendur séu á aldrinum 10-18 ára og er frítt fyrir annað foreldri til að styðja barn sitt ef þess gerist þörf, en námskeiðið nýtist betur ef foreldri og barn geta saman nýtt sér tæknina við heimanám og undirbúning prófa.

Námskeiðið fer fram um helgar, frá kl. 9-12 á laugardags- sunnudagsmorgnum og kostar kr. 20.000.- Leiðbeinandi er Kolbeinn Sigurjónsson, Davis ráðgjafi hjá Lesblindusetrinu í Mosfellsbæ.
Skráning sendist á póstfangið kolbeinn@lesblindusetrid.is eða í síma 5666664.

Nýtt námsefni
Dagasögur
Sögur um dagana í tali og tónum
- Bók og geisladiskur -

Nýlega kom út bráðskemmtilegt efni
eftir þær Kristínu Björk Jóhannsdóttur
og Guðrúnu S. Þórarinsdóttur kennara
á Selfossi sem nefnist:

Dagasögur
Sögur um dagana í tali og tónum

Er efnið bók ásamt með geisladisk
þar sem unnið er með tímann á
einstaklega skemmtilegan og fagmannlegan hátt.

Er hér um að ræða tilvalið efni fyrir bæði
kennara, foreldra og aðra.

Eins og segir í kennsluleiðbeiningum sem fylgja efninu og hægt er að nálgast hér á Skólavefnum er efninu ætlað að efla tímaskilning nemenda og auðvelda þeim þannig að skynja tilveruna frá degi til dags. Sögurnar eru settar fram með þeim hætti að hvetja nemendur til tjáskipta um ýmis dagleg verkefni. Á þann hátt ná sögurnar einnig að efla bæði málþroska nemenda og lífsleikni þeirra.

Dagasögurnar eru sjö, ein fyrir hvern dag vikunnar og fylgir hverri sögu lag og fjalla textarnir um þann fróðleik sem hver saga á að koma á framfæri. Í söguheftinu eru hugmyndir að umræðuefnum sem hægt er að tengja við hverja sögu. Umræður nemenda geta því orðið mjög fjölbreyttar og um leið geta sögurnar tekið á sig nýja mynd í hverri kennslustund.

Eins og áður sagði er hægt að nálgast kennsluleiðbeiningar með efninu hér á Skólavefnum, en þar er einnig að finna ítarlegri upplýsingar um efnið.

Þá er einnig hægt að panta efnið hér á vefnum með því að fara inn á tengilinn í uppfærslukassanum hér fyrir ofan. Já, látið þetta frábæra efni ekki framhjá ykkur fara.

Lesblindusetrið
í Mosfellsbæ

Lesblinda

Lesblinda (dyslexia) er samheiti einkenna sem eiga það fyrst og fremst sameiginlegt að trufla fólk við lestur. Á Lesblindusetrinu í Mosfellsbæ starfar hópur Davis leiðbeinenda og er þar boðið upp á einstaklingsnámskeið sem nefnd eru Davis leiðréttingar. Davis aðferðin hefur vakið mikla athygli og fengum við Kolbein Sigurjónsson Davis leiðbeinanda til að útskýrir aðferðina fyrir okkur.

Hver eru einkennin?

“Lesblinda birtist í fjölmörgum myndum og hamlar fólki einkum við lestur. Lesblindan hefur mörg andlit, en algengt er að nemendur spegli stafi, giski á orð eða jafnvel sleppi þeim alveg. Líkamleg einkenni eins og höfuðverkur og að geta ekki setið kyrr geta líka veriðáberandi.” segir Kolbeinn.

“Þar sem lesblindir einstaklingar eiga flestir auðvelt með að hugsa í myndum, búa þeir yfir hæfileika sem ekki er öllum gefinn. Á þessu byggjum við námskeiðin og því er svo mikið unnið með leirinn; þannig tekst okkur að breyta ímyndun í raunverulegan hlut með aðstoð sköpunargáfunnar. Þetta ferli er raunveruleg upplifun - lífsreynsla, sem ekki verður tekin af einstaklingnum. Við náum því að nota meðfæddan hæfileika til að snúa vörn í sókn ef svo má segja.”

Námskeiðin

Davis leiðrétting er einstaklingsnámskeið. Til að auka líkurnar á því að námskeiðið henti og skili árangri, fer ávallt fram viðtal þar sem mat er lagt á styrkleika og veikleika einstaklingsins.

Leiðréttingin sjálf tekur svo 5 virka daga, en síðasta daginn er stuðningsaðili (oftast mamma og/eða pabbi) þjálfuð svo hægt sé að vinna að eftirfylgninni heima.

Í yfirgnæfandi hluta tilvika næst sjánlegur og/eða mælanlegur árangur innan vikunnar. Það er því afar mikilvægt að fólk haldi áfram heima, svo hægt sé að byggja á þeim grunni sem skapaður hefur verið í leiðréttingunni.

Frekari upplýsingar má finna á vef Lesblindusetursins, www.lesblindusetrid.is