Toys of Peace
eftir Saki

Sagan hentar vel til kennslu, einkum í efri bekkjum grunnskólans og/eða í framhaldsskólum. Sögunni fylgja góð verkefni og er bæði hægt að prenta þau út eða skoða í aðgengilegri vefútgáfu. Á vefútgáfunni er hægt að hlusta á söguna upplesna. Hér er á ferðinni frábært efni til að láta hljóma í enskustofunni og til þjálfunar heima fyrir.

The Bet
eftir Anton Chekov

Sagan hentar vel til kennslu, einkum í efri bekkjum grunnskólans og/eða í framhaldsskólum. Sögunni fylgja góð verkefni og er bæði hægt að prenta þau út eða skoða í aðgengilegri vefútgáfu. Á vefútgáfunni er hægt að hlusta á söguna upplesna. Hér er á ferðinni frábært efni til að láta hljóma í enskustofunni og til þjálfunar heima fyrir.

The Canterville Ghost
eftir Oscar Wilde

Hin sígilda saga The Canterville Ghost eftir Oscar Wilde er bæði vel skrifuð og leiftrandi af kímnigáfu höfundar.

Sagan er í sjö köflum og er bæði hægt að nálgast efnið í sérútbúinni prentútgáfu og í aðgengilegri vefútgáu þar sem hægt er að hlusta á hana upplesna. Einnig fylgir útprentanlegt hefti með góðum verkefnum.

The Blockade Runners
eftir Jules Verne

Það er alltaf gott að þjálfa sig betur í enskunni og ekki er það verra ef hægt er að gera það með því að fylgja eftir skemmtilegri og vel skrifaðri sögu eins og þessari, The Blockade Runners eftir Jules Verne, sem margir þekkja af sögunni Umhverfis jörðina á 80 dögum.

Námsefni þetta er einkum hugsað fyrir nemendur í efstu bekkjum grunnskóla og fyrstu bekkjum framhaldsskóla.  Hentar það líka vel þeim sem vilja bæta sig almennt í ensku, hvort heldur hlustunarskilning, orðaforða eða almennan málskilning.

Efnið er margskipt og hægt að nýta sér það á fjölbreyttan hátt. Grunnurinn er sagan sjálf, The Blockade Runners, og geta notendur valið um að lesa hana af vefnum, prentað hana út og lesið hana þannig eða hlustað á hana upplesna. Þá er tilvalið að sameina tvær leiðir, og lesa textann og hlusta á upplesturinn samtímis. Á vefsíðunni er einnig hægt að sækja vinnuhefti og kennslutillögur. Sagan er í tíu köflum.

The Thirty-nine Steps
eftir John Buchan

Efnið er þannig uppsett að hægt er að nýta það á fjölbreyttan hátt. Grunnurinn er sagan The Thirty-nine Steps (Þrjátíu og níu þrep) eftir John Buchan, og geta notendur valið um að lesa hana af vefnum, prentað hana út og lesið hana þannig eða hlustað á hana upplesna. Þá er tilvalið að sameina tvær leiðir, og lesa textann og hlusta á upplesturinn samtímis. Sögunni er skipt upp í tíu kafla eða námsþætti. Er hugmyndin okkar sú að ein stund fari í hvern námsþátt í skólanum og þá einkum til yfirferðar á verkefnum og jafnvel hlustun á næsta kafla. Hverjum kafla fylgja svo efnisspurningar sem hægt er að láta nemendur vinna skriflega eða fara yfir munnlega.

Á vefsíðunni er einnig hægt að sækja sérstakt vinnuhefti og kennslutillögur. Í því hefti er að finna alls kyns verkefni og hugmyndir að verkefnum með sögunni sem kennari getur annað hvort ljósritað í heild sinni eða prentað út í stökum síðum. Verkefnin eru sjálfstæð hvert frá öðru og er hverjum í sjálfsvald sett hve mörg verkefni hann tekur. Hvetjum við kennara og nemendur að skoða það vel, því að þó sagan sé góð er ekki gott að ofgera henni með of mörgum verkefnum. Þarna er líka að finna upplýsingar sem við teljum að ágætt sé að skoða með nemendum áður til skýringar. Þar má nefna upplýsingar um höfundinn, John Buchan og stutta skýringatexta um fyrri heimsstyrjöldina og aðdraganda hennar. Við leggjum ríka áherslu á að kynna söguna vel fyrir nemendum, áður en hafist er handa við lesturinn, þ.e.a.s. höfund hennar, inn í hvaða samtíma hún er skrifuð og helstu undirliggjandi atburði. Í kjölfarið er svo rétt að gera glögga grein fyrir vinnuferlinu sjálfu, hve mikill tími er ætlaður í hvern námsþátt og hvaða kröfur eru gerðar til nemenda.

Námsefnið er einkum ætlað efstu bekkjum grunnskóla, fyrstu bekkjum framhaldsskóla svo og öðrum sem vilja bæta sig í ensku almennt.

Sögur eftir Oscar Wilde

Oscar Wilde var einn skemmtilegasti og jafnframt litríkasti rithöfundur Breta á síðari hluta 19. aldar. Eins og verk margra fremstu rithöfunda heims eru verk hans tímalaus og eiga jafn mikið erindi við okkur í dag eins og þegar þau komu út.

Við bjóðum hér upp á nokkrar sögur eftir Wilde á vef, ásamt upplestri og gagnvirkum æfingum, og í útprentanlegri útgáfu með góðum verkefnum.

Two Minute Mysteries

Er hér um að ræða stuttar sakamálaþrautir sem nemendur eiga að leysa. Þrautirnar byggjast á stuttum textum (hálf til heil blaðsíða hver) þar sem ákveðin atburðarás er rakin og útfrá þeim vísbendingum sem þar er að finna eiga nemendurnir að hafa forsendur að finna sökudólginn hverju sinni. Auk þess sem þetta reynir á almenna kunnáttu í ensku, reynir þetta líka á almenna rökhugsun. Efnið er birt með leyfi frá Reader's Digest og rétthöfum tímaritsins Úrvals hér á Íslandi. Kunnum við þeim miklar þakkir fyrir að fá að nota það. Já, hér er á ferðinni mjög skemmtilegt efni sem gefur kennurum kost á að brjótast út úr vananum og brydda upp á ofurlitlum nýjungum til að gera kennsluna bæði skemmtilegri og áhugaverðari.

The Door with Seven Locks eftir Edgar Wallace

Þessi frábæra sakamálasaga hentar vel sem framhaldsefni yfir hálfan vetur eða heila önn. Er hún bæði aðgengileg í vefútgáfu og prentútgáfu og hefur reynst vel að samtengja báðar útgáfurnar í kennslu. Kaflarnir eru prentaðir út og afhentir nemendum sem lesa kaflana heima og vinna verkefnin sem fylgja þeim. Um leið og hver kafli er afhentur er hægt að hlusta á hann upplesinn á vefnum. Textinn er óbreyttur að öllu leyti frá upprunalegu útgáfu sögunnar og því er upplagt að láta nemendur glósa orð með hverjum kafla. Sagan telur í allt 33 kafla og ef tveir kaflar eru teknir á viku. hentar efnið í 17 vikur, en svo er líka hægt að láta efnið endast í heilan vetur eða svo og taka bara einn kafla í viku. Hér er á ferðinni gott efni sem gæti fengið nemendur að yfirstíga þann þröskuld að lesa heila bækur í ensku.

Krimminn
Við bjóðum hér upp á stuttar sakamálasögur frá árdögum slíkra sagna, en þær urðu ekki að sérstakri bókmenntagrein fyrr en við upphaf 19. aldar. Einnig látum við fylgja með upplýsingar um valinkunna höfunda sem, þó fæstir þekki nokkur deili á, ruddu brautina fyrir þá sem við þekkjum betur, höfunda eins og Arthur Conan Doyle og Agatha Christie.

The Captive

Sagan The Captive er fyrst og fremst hugsu ð sem þjálfunarefni í lesskilningi í ensku, auk þess sem þar er unnið með ritun, orðaforða og valin málfræðiatriði. Má með nokkrum sanni segja að hér sé unnið með enskuna á nokkuð heildrænan hátt. Þrátt fyrir að textinn sé nokkuð gamall er enskan í honum nokkuð skýr og góð. Við þurftum þó að láta lagfæra hann á stöku stað, en þó ekki svo mikið að það kæmi niður á andanum í sögunni. Eins og alltaf bjóðum við bæði upp á hefðbundna prentútgáfu annars vegar og vefútgáfu hins vegar þar sem hægt er að hlusta á söguna upplesna og fara yfir gagnvirkar orðskýringar.

Eins og með margt efni af þessari tegund er erfitt að eyrnamerkja það ákveðnum árgangi og veltur það fyrst og fremst á því hvar viðkomandi nemendur eru staddir og hvenær þeir hófu almennt enskunám.

The Story of the Romans

Umgjörðin utan um efnið er sagnfræðileg, en það er sagan The Story of the Romans eftir H. A. Guerber, þannig að hér sameinum við nám í ensku við nám í sögu. Efnið er fyrst og fremst hugsað fyrir 5.-7. bekk, en getur nýst vel eldri bekkjum allt eftir því hvar menn eru staddir. Það er Mjöll Sigurðardóttir sem hefur haft veg og vanda af þessu efni og lagt sérstaka áherslu á að hafa það einfalt og aðgengilegt og skemmtilegt fyrir augað. Útprentanlega efnið er skemmtilega myndskreytt með vel uppsettum verkefnum. Vefútgáfunni fylgja gagnvirkar æfingar, orðskýringar og þar er einnig hægt að hlusta á kaflana upplesna.

The Story of the Romans

Umgjörðin utan um efnið er sagnfræðileg, en það er sagan The Story of the Romans eftir H. A. Guerber, þannig að hér sameinum við nám í ensku við nám í sögu. Efnið er fyrst og fremst hugsað fyrir 5.-7. bekk, en getur nýst vel eldri bekkjum allt eftir því hvar menn eru staddir. Það er Mjöll Sigurðardóttir sem hefur haft veg og vanda af þessu efni og lagt sérstaka áherslu á að hafa það einfalt og aðgengilegt og skemmtilegt fyrir augað. Útprentanlega efnið er skemmtilega myndskreytt með vel uppsettum verkefnum. Vefútgáfunni fylgja gagnvirkar æfingar, orðskýringar og þar er einnig hægt að hlusta á kaflana upplesna.