Ensk málfræði

Skýringabanki í enskri málfræði með gagnvirkum æfingum. Tekur þessi banki til helstu málfræðiatriða sem nemendur á þessu stigi þurfa að glíma við. Síðast en ekki síst eru það skýringar og leiðbeiningar um enska stafsetningu auk fjölda gagnvirkra æfinga þar sem nemendur geta þjálfað sig í að rita ensku og séð hvar þeir þurfa að bæta sig.

Uppsetningin og efnistökin gera þetta að frábærri nýjung í enskukennslu á Íslandi. Er heftið 50 blaðsíður að lengd og hefur að geyma 38 stundir, en efninu er skipt í þægilegar þjálfunarstundir.

Kennslubókin BITS AND PIECES IN ENGLISH SPELLING hefur notið gríðarlegra vinsælda hjá okkur. - Nú getið þið nálgast svör við bókinni hér á Skólavefnum. - Við viljum vekja athygli á því að fundist hefur villa í æfingu 15 sem er krossgáta, en þar er orðið 11 down rangt og ber að sleppa því. - Biðjumst við velvirðingar á þessum leiðu mistökum. En allar hinar 36 æfingarnar eru að því er við best vitum kórréttar og hér fáið þið svör við þeim.

Hér getið þið nálgast skýringar í enskri málfræði ásamt með fjölda gagnvirkra æfinga. Í grunninum getið þið lært allt um greinir, nafnorð, lýsingarorð, sagnorð, fornöfn og margt fleira. Rétt er að taka það fram að hér er um lifandi efni að ræða og við erum stöðugt að bæta nýju efni við. Þá á eftir að bæta við fjölda gagnvirkra æfinga inn á vefinn.

Við viljum benda kennurum á að skoða vel öll verkefnin sem í boði eru, enda eru þau mörg hver mismunandi að gerð og uppbyggingu, þar sem þau eru eftir nokkra einstaklinga. Einnig er vert að athuga stærð verkefnanna, en sum eru einingis eitt blað á meðan önnur eru nokkur blöð. Geta menn séð það með því að lesa lýsinguna í aftasta dálkinum. Þá er rétt að athuga að sum verkefnin eru einungis til útprentunar, en sum einungis gagnvirk og enn önnur hvort tveggja.

Work with Words
kennslubók í ensku fyrir byrjendur

Við kynnum til sögunnar fyrsta hlutann í nýju námsefni í ensku fyrir þá sem eru að stíga sín fyrstu skref í þeirri námsgrein. Eru það fyrstu 15 blaðsíðurnar í kennslubók sem heitið WORK WITH WORDS 1. Efnið er að stærstum hluta fengið frá breska námsgagnaframleiðandanum Domino Books, en staðfært af Ingólfi Kristjánssyni. Mun næsti skammtur væntanlegur eftir hálfan mánuð og svo áfram. Hér er á ferðinni áhugavert efni sem allir enskukennarar ættu að skoða vel og vandlega.

Almenn málfræði fyrir alla aldurshópa

Hér munum við bjóða upp á fjölbreytt úrval gagnvirkra æfinga og verkefna í enskri málfræði, allt frá einföldustu atriðum sem numin eru í yngstu bekkjum til þyngri og erfiðari æfinga sem henta betur eldri bekkjardeildum.