Læsi og orðaforði 1
kennsluhefti í ensku fyrir byrjendur

Við kynnum til sögunnar nýtt efni í ensku sem unnið er í samvinnu við breska námsgagnaframleiðandann Domino Books. Nefnist það Læsi og orðaforði 1 og er einkum hugsað fyrir byrjendur. Hér er á ferðinni frábært viðbótarefni í ensku sem við hvetjum alla til að skoða. Læsi og orðaforði 1 skiptist í 4 hefti.

Work with Words
kennslubók í ensku fyrir byrjendur

Við kynnum til sögunnar fyrsta hlutann í nýju námsefni í ensku fyrir þá sem eru að stíga sín fyrstu skref í þeirri námsgrein. Er það kennslubók sem heitið WORK WITH WORDS 1. Efnið er að stærstum hluta fengið frá breska námsgagnaframleiðandanum Domino Books, en staðfært af Ingólfi Kristjánssyni. Mun næsti skammtur væntanlegur eftir hálfan mánuð og svo áfram. Hér er á ferðinni áhugavert efni sem allir enskukennarar ættu að skoða vel og vandlega.

Enska fyrir byrjendur

Með nýrri námskrá grunnskólanna hafa valmöguleikar skóla aukist til muna og þeir geta betur skipulagt sig og nám barnanna, auk þess sem skólar geta nú í auknum mæli ákveðið hvenær þeir hefja kennslu í námsgreinum eins og t.a.m. ensku. Sums staðar er jafnvel byrjað að kenna ensku allt niður í 1. bekk. Höfum við á Skólavefnum fengið óskir frá kennurum um efni sem hægt væri að nota þar og að sjálfsögðu brugðumst við hratt við því. Efnið er fengið frá breska námsgagnaframleiðandamum DOMINO BOOKS, en staðfært og lagað að íslenskum aðstæðum. Þá látum við fylgja með forsíðu sem fólki er í sjálfsvald sett hvort það notar.