Bókin hefur að geyma yfir tuttugu samtöl sem öll gætu nýst vel í kennslu og eiga mikið erindi til skólabarna sem og annarra. Því höfum við útbúið verkefni með fimm völdum samtölum til að auðvelda kennurum að leggja þetta frábæra efni fyrir nemendur sína. Það væri þá nóg fyrir skóla að verða sér úti um eitt bekkjarsett af bókinni eða fáein eintök af bókinni, sem gæti þá gengið á milli bekkja.

Eins og þið hafið væntanlega tekið eftir bjóðum við til sölu Rutarbækurnar eftir Arnheiði Borg. Bækurnar hafa að geyma léttan og góðan texta og eru umfjöllunarefnin til þess fallin að vekja nemendur til umhugsunar um góða breytni og siðferði og henta frábærlega til kennslu á lífsleikni og sem lestrarbækur.

Til að bækurnar nýtist enn betur býður Arnheiður ykkur nú upp á ókeypis vinnuhefti með bókunum sem þið getið nálgast með því að smella á slóðina hér til hliðar.

Höfundur þessara bóka, Arnheiður Borg, hlaut íslensku menntaverðlaunin árið 2008 m.a. fyrir útgáfu bóka um lífsgildin og mannleg samskipti.

Í bókinni Ekki segja frá eftir Arnheiði Borg er á nærfærinn og skilvirkan hátt tekið á böli því sem alkóhólismi getur haft í för með sér. Má segja að efnið henti vel frá 4. bekk og upp úr. Bókin hentar vel til kennslu í lífsleikni, en einnig má nota hana sem almenna lestrarbók. Bókina er hægt að panta hjá Skólavefnum og síðan geta menn prentað vinnuheftið út af vefnum.

Í bókinni Óboðnir gestir eftir Arnheiði Borg segir m.a. frá tröllabörnunum Græðgi, Fýlupúka, Óþekktarormi og Leti, auk jötuns sem ekki vill segja til nafns. Bókin hentar vel til kennslu í lífsleikni, en einnig má nota hana sem almenna lestrarbók.  Bókina er hægt að panta hjá Skólavefnum.

Vinnuhefti með bókinni telur 8 bls.

Í sögunni Nammigrísinn eftir Hugin Þór Grétarsson víkur höfundur að óhófi, neysluhyggju og græðgi á athyglisverðan hátt.

Vinnuhefti með sögunni telur 15 bls. Er það unnið með yngri bekki grunnskólans í huga, en samt þannig að nota má það á fleiri aldursstigum en einu.

Í sögunni Þjófaland eftir Hugin Þór Grétarsson er vikið að mörgum undirstöðum mannlegs lífs og boðið upp á umræðu um hugtök á borð við lýðræði, rétt, rangt, græðgi, nægjusemi og ótal margt fleira.

Vinnuhefti með sögunni telur 14 bls. Er það unnið með miðstig grunnskólans í huga, en samt þannig að nota má það á efri og neðri stigum.

Við bjóðum nú upp á vinnubók með bókinni Í bóli bjarnar eftir Guðjón Ragnar Jónasson. Hér er tekið á mörgum þáttum íslenskunnar sem oft er litið framhjá í öðru efni. Vinnuheftið telur 44 blaðsíður. Við minnum svo á þrjá viðauka við vinnubókina sem hver fyrir sig fæst í sérskjali. Fyrsti viðaukinn tekur fyrir hópverkefni, annar tekur fyrir krossgátur og sá þriðji fjallar um myndasögur.

Þessi fyrsti hluti telur 13 blaðsíður og tekur fyrir efni bókarinnar fram að bls. 70.

Í vinnubókunum eru fjölbreyttar æfingar og leikir þar sem farið yfir öll þau atriði sem kveðið er á um í aðalnámskrá grunnskóla fyrir þessa aldurshópa.

Lesskilningsverkefni
1.-2. bekkur
25 blaðsíðna vinnubók