Orðaþjálfi

Orðaþjálfi er einstakt forrit úr smiðju Skólavefsins sem sameinar notagildi og hönnun með frábærum hætti. Í því eiga nemendur að finna tiltekna tegund orða í texta. T.d. að finna 7 nafnorð í texta og er það gert með því að smella á viðkomandi orð.

Það sem gerir forritið svo magnað er að nemandinn getur sjálfur valið það hvaða atriði er þjálfað. Hann getur æft sig í að finna öll sagnorð í textabroti, eða öll fornöfn, eða öll nafnorð í þágufalli og svo framvegis og fær nemandinn samtímis endurgjöf um árangur. Forritið býður upp á gríðarlegan fjölda þjálfunarþátta og er í senn skemmtilegt og krefjandi. Nýjum verkefnum verður bætt við í hverjum mánuði.

Ritum rétt
Fyrir stuttu fórum við af stað með glænýtt forrit í stafsetningu sem nú þegar hefur vakið verulega athygli. Er þetta hluti af stærra forriti sem tekur til stafsetningakennslu í öllum árgöngum grunnskólans og upp í framhaldsskólann. Þessi fyrsti hluti eða fyrsta stig er einkum hugsað fyrir yngstu krakkana og byggir á því að börnin fá orðalista sem tengjast ákveðnum stöfum og eiga síðan að skrifa eða draga orðin í reit útfrá mynd sem birtist á skjánum og/eða upplestri. Þetta forrit sameinar í raun almenna lestrarkennslu og stafsetningu. Eins og alltaf byggjum við kennsluna upp í áföngum og bjóðum nýjan orðalista reglulega uns stafrófið er komið. Við munum svo einnig bjóða upp á samskonar forrit með einföldum setningum innan skamms, sem og þyngra efni.

Stafasögur eftir Hildi Guðmundsdóttur
Við erum alltaf að bjóða upp á áhugaverðar nýjungar og í dag förum við af stað með glænýtt efni ætlað til stafa- og lestrarkennslu fyrir byrjendur. Eru það stafasögur eftir Hildi Guðmundsdóttur kennara sem notaðar hafa verið víða með góðum árangri. Við byrjum á að bjóða það einungis í útprentanlegri útgáfu, en innan tíðar verður einnig hægt að fá hana í vefútgáfu. Mun ný saga birtast á hverjum fimmtudegi uns stafirnir eru allir komnir. Við vekjum athygli á að stöfunum fylgja góðar og gagnlegar kennsluleiðbeiningar.

Nýjar vinnubækur í málfræði, unnar samkvæmt Aðalnámskrá.

Bókin fyrir 2.-3. bekk, tekur á öllum þeim helstu atriðum í íslenskri málfræði og málnotkun sem Aðalnámskrá kveður á um fyrir þennan aldurshóp. Yfirskrift verkefnanna er sem hér segir: Bókstafir, orð og setningar - Sérhljóðar - Samhljóðar - Nafnorð - Eintala/Fleirtala - Rím - Lýsingarorð - Samheiti - Andheiti - Samsett orð - Ljóð - Sagnorð - Leikir - Eyðufyllingar o.fl. Telur 21. bls. í útprentun.

Bókin fyrir 3.-4. bekk býður m.a. upp á eftirtalin atriði: sérhljóða og samhljóða, nafnorð, sérnöfn og samnöfn, orðaleiki, eyðufyllingar, fallbeygingu, kyn tölu, lýsingarorð, sagnorð o. fl. Bókin telur 20 bls.

Vinnubækur í málfræði fyrir 4. eftir Láru Torfadóttur

Fyrri bókin telur 16 bls. og tekur á hlutum eins og sérhljóðum og samhljóðum, atkvæði og nafnorðum. Þá fylgir stutt könnun úr efninu í lokin. Auk bókarinnar bjóðum við upp á forsíðu að bókinni í sérstöku skjali, efnisyfirlit og svo er stutt umfjöllun um bókina sem við hvetjum alla til að lesa.

Seinni bókin fjallar um lýsingarorð, sagnorð og fleira. Henni fylgir einnig sérstök forsíða og efnisyfirlit. Er Láru Torfadóttir færðar sérstakar þakkir fyrir þetta áhugaverða efni sem enginn kennari ætti að láta fram hjá sér fara.