Skrift

Margir skólar hafa komið að máli við okkur varðandi nýtt námsefni í skrift, og eins og fyrri daginn reynum við að svara kallinu. Skrift 1 er fyrsta bókin í nýrri ritröð sem Skólavefurinn er að fara af stað með og er fyrst og fremst hugsuð til að þjálfa börn í skrift. Létum við útbúa leturgerðina sérstaklega fyrir þessa útgáfu. Við gerð hennar fylgdum við þeirri stafagerð sem hefur verið notuð í skólum á undanförnum árum en breyttum þó á stöku stað. Vonum við að þær breytingar sé flestum þóknanlegar, en við vitum að margir hafa sterkar skoðanir á þessu og vilja sem minnstar breytingar. Við teljum þó að breytingarnar sem hér eru gerðar séu ekki þess eðlis að þær séu til vansa. Vildum við gjarnan heyra í sem flestum varðandi það. Í þessari fyrstu bók einbeitum við okkur að stafrófinu.