Kennarar í smíði og upplýsingatækni eru sífellt að leita að nýjum og skemmtilegum viðfangsefnum fyrir nemendur sína. Að vinna með grjót eða steina á markvissan og skemmtilegan hátt er nokkuð sem ekki hefur verið gert mikið af, en býður upp á mikla og fjölbreytta möguleika sem vert er að kynna sér. Í dag bjóðum við upp á skemmtilega nýjung í námi eftir Árna Jón Hannesson kennara við Varmárskóla í Mosfellsbæ. Eru það leiðbeiningar um hvernig hægt er að nota skrautsteina á áhugaverðan hátt í kennslu. Eru leiðbeiningarnar skýrar og ljósar í framsetningu og hvetjum við alla til að kynna sér þær vel, því þar sem þetta hefur verið reynt hefur það vakið stormandi lukku.

Námskeið í steinsmíði

Rétt er að vekja athygli á því að ef þið hafið einhverjar spurningar um efnið getið þið haft samband við höfundinn Árna Jón Hannesson kennara við Varmárskóla í Mosfellsbæ. Þá er Árni reiðubúinn að halda námskeið fyrir þá sem það vilja þar sem hann mun kynna ykkur fyrir fleiri möguleikum. Þeir sem hafa áhuga á því geta sent okkur póst á veffangið skolavefurinn@skolavefurinn.is eða haft samband beint við Árna á veffanginu: arnijon1@simnet.is eða í síma 6962023.