Höfundur

Matthías Johannessen

Matthías Johannessen fæddist í Reykjavík þann 3. janúar árið 1930. Hann varð stúdent frá Menntaskólanum í Reykjavík árið 1950. Þaðan lá leiðin í Háskóla Íslands, þar sem hann lauk kandítatsprófi í íslenskum fræðum með bókmenntir sem aðalgrein, árið 1955. Þá var stefnan tekin á Kaupmannahöfn þar sem hann stundaði framhaldsnám veturinn 1956 - 1957. Meðfram háskólanámi hafði Matthías starfað sem blaðamaður við Morgunblaðið og varð svo einn af ritstjórum þess frá árinu 1959. Hélt hann þeim starfa fram til þess að hann lét af því sökum aldurs árið 2000. Fyrsta ljóðabók Matthíasar ,,Borgin hló" kom út árið 1958 og vakti strax mikla athygli og var greinilegt að þar var á ferðinni skáld sem átti eftir að láta að sér kveða. Enda varð sú raunin. Síðan þá hafa komið út á annan tug ljóðabóka, auk fræðibóka, skáldsagna, smásagnasafna, leikrita, viðtalsbóka o.m. fl. Hafa verk hans markað honum bás sem einn af mestu rithöfundum sinnar samtíðar.

 

Ævi- og ferilsskrá

Hér er að finna stutt æviágrip Matthíasar ásamt með umfjöllun um rithöfundinn og verk hans.

Viðtal

Hér er hægt að sjá og heyra viðtal við Matthías sem tekið var upp 4. október 2003. Er viðtalinu skipt upp í nokkra búta til að auðvelda aðgengi.

Ritskrá og kynningar á völdum bókum

Ritskráin hefur að geyma yfirlit yfir allt það helsta sem komið hefur út eftir Matthías. Þá er boðið upp á stuttar umfjallanir um valdar bækur.
  • Ritskrá
  • Kynningar á völdum bókum
    • Dagur ei meir - útg. 1974 (væntanl.)
    • Vatnaskil - Dagbókarsaga - útg. 2002 (væntanl.)

Ljóð og ljóðabækur

Hér er hægt að nálgast ljóðabækur Matthíasar í heild sinni sem og valin ljóð með verkefnum fyrir kennara og nemendur, bæði á vefsíðu og til útprentunar. Athugið að hægt er að heyra Matthías lesa ljóðin á vefsíðuútgáfum

Sögur

Hér er boðið upp á sögur eftir Matthías bæði á vef og til útprentunar.
  • Lúkas (úr Konungur af Aragon og fleiri sögur - útg. 1986)

Bækur

Eins og mörg ykkar vita eflaust á Jónas Hallgrímsson 200 ára fæðingarafmæli á árinu 2007, en hann fæddist 16. nóvember árið 1807. Af því tilefni bjóðum við ykkur upp á bók eftir Matthías Johannessen, Um Jónas, og fer vel á því þar sem fáir ef nokkur eru jafn fróðir um Jónas og Matthías. Var stór hluti bókarinnar gefinn út í örfáum eintökum árið 1993, en hún er nú löngu ófáanleg. Með breytingum og viðbótum er þetta þó allt önnur bók og því má segja að hér sé um frumútgáfu að ræða. Efnið er að mestu sprottið upp úr rannsóknum Matthíasar er hann kenndi um rómantíkina og Jónas við Háskóla Íslands fyrir nokkru. Er ekki að efa að bókin verður mikill fengur fyrir alla aðdáendur Matthíasar, sem og Jónasar.

 

 

 
Um Skáld mánaðarins | Aðalvalmynd | Réttur | skolavefurinn@skolavefurinn.is | ©2000 Skólavefurinn ehf.